Metered-Dose Inhaler, Papaanong Gamitin kasama ng Collapsible Bag Spacer

________________________________________________________________________

MGA PINAKAMAHALAGANG PUNTO

• Ang meter-dosed inhaler ay isang hand-held device na nagpapadala ng isang mist ng gamot nang direkta sa baga ng iyong anak habang ang iyong anak ay humihinga ng malalim.
• Ang aparatong tinatawag na collapsible bag spacer, o reservoir bag, ay maaaring gamitin kasama ng inhaler. Makatutulong ito kung mahirap diinan ang inhaler habang ang iyong anak ay humihinga sa gamot.
• Makakatulong sa iyo at sa iyong anak ang iyong healthcare provider o parmasyutiko na matutunan kung paanong mahusay na gamitin ang inhaler at spacer.

________________________________________________________________________

Ano ang metered-dose inhaler na kasama ng spacer?

Ang metered-dose inhaler (MDI) ay isang nahahawakang aparato na naglalabas ng singaw ng gamot. Naglalaman ito ng gas na tumutulong sa gamot na makapasok sa loob ng mga baga ng iyong anak. Ang inhaler ay tumutulong na ipadala ang gamot nang direkta sa baga ng iyong anak habang ang iyong anak ay humihinga ng malalim.

Ang aparatong tinatawag na collapsible bag spacer, o reservoir bag, ay maaaring gamitin kasama ng inhaler. Makatutulong ito kung mahirap diinan ang inhaler habang ang iyong anak ay humihinga sa gamot. Pinapanatili ng spacer ang gamot na nasa bag at:

• Tinutulungan ang iyong anak na huminga sa sarili niyang bilis
• Tintulungan ang maraming gamot na makaabot sa mga baga ng iyong anak
• Pinipigilan ang gamot na mapunta lang sa hangin

Ang mga spacer ay maaaring gamitin nang mayroon o walang takip sa mukha. Ang ilang spacer ay ginawa para lang sa isang klase ng inhaler. Ang ilang uri ng inhaler ay hindi dapat gamitin kasama ng spacer.

Para ikabit ang spacer sa MDI:

1. Ikabit ang mouthpiece ng inhaler sa bag sa pamamagitan ng pagtutugma sa mga tab na nasa bag.
2. Itulak papasok, pilipitin, at i-lock.
3. Hilahin ang bag hanggang sa bumukas lahat para walang mga kulubot.
4. Alisin ang canister ng inhaler mula sa lalagyang plastik at alugin ito nang mabuti.
5. Ikabit ang canister sa mouthpiece ng inhaler.

Para gamitin ang MDI kasama ang spacer at isang mask:

1. Pumili ng mask na tama ang laki para sa iyong anak (small, medium, o large) at ikabit ito sa mouthpiece.
2. Patayuin o paupuin nang diretso ang iyong anak.
3. Ilagay ang mask sa mukha ng iyong anak, na natatakpan pareho ang ilong at bibig. Dapat idiin ang mask sa mukha ng iyong anak para masiguro na makakapasok ang gamot sa mga baga ng iyong anak.
4. Alisin sa pagkakadiin ang MDI nang minsa. Makukulong ang gamot sa reservoir bag.
5. Palanghapin ang iyong anak nang dahan-dahan nang 3 hanggang 5 segundo. Iimpis ang reservoir habang humihinga ang iyong anak. Makakarinig ka ng pagpito kapag masyadong mabilis ang paghinga.
6. Pigilan ng iyong anak ang kanyang paghinga ng 5 hanggang 10 segundo.
   Dahan-dahang pahingahin ang iyong anak pabalik sa reservoir bag.
7. Dahan-dahang pahingahin ang iyong anak pabalik sa reservoir bag.
8. Habang ginagamit pa rin ang bag, dahan-dahang palanghapin at pahingahin ang iyong anak nang minsan o dalawang beses pa.
9. Kung magrereseta ang iyong provider ng mga karagdagang pagbuga, maghintay ng 1 minuto at ulitin.

Para gamitin ang MDI kasama ang spacer at mouthpiece:

1. Ilagay ang mouthiece sa pagitan ng mga ngipin at isara ang mga labi sa paligid nito.
2. Diinan pababa nang minsan ang inhaler para maglalabas ito ng spray ng gamot sa bag spacer.
3. Palanghapin ang iyong anak nang dahan-dahan nang 3 hanggang 5 segundo. Iimpis ang bag habang humihinga ang iyong anak. Makakarinig ka ng pagpito kapag masyadong mabilis ang paghinga ng iyong anak.
4. Pigilan ng iyong anak ang kanyang paghinga ng 5 hanggang 10 segundo.
   Dahan-dahang pahingahin ang iyong anak pabalik sa reservoir bag.
5. Dahan-dahang pahingahin ang iyong anak pabalik sa bag spacer.
6. Habang ginagamit pa rin ang bag, dahan-dahang palanghapin at pahingahin ang iyong anak nang minsan o dalawang beses pa.
7. Kung magrereseta ang iyong provider ng mga karagdagang pagbuga, maghintay ng 1 minuto at ulitin.

Kung ang iyong anak ay gumagamit ng inhaled steroid na gamot, pamumugin ang iyong anak ng tubig pagkatapos ng bawat paggamit upang makatulong na maiwasan ang thrush, isang impeksyon ng fungal na nagpapakita ng puting mga spots sa dila at sa bibig. Ang tubig na minumog ng iyong anak ay dapat na maibuga.

Paglilinis sa kagamitan:

Ang mouthpiece ay dapat mahugasan araw-araw ng maligamgam na tubig at pinatutuyo. Huwag itong ilagay sa dishwasher. Hindi inirerekumenda ng gumagawa ang paghuhugas sa bag spacer. Ang bag ay dapat mapalitan kapag naluma ito, o minsan sa bawat buwan.